اسلام آباد سٹاک ایکسچینج تے حملے دا منصوبہ نکام، 3دہشت گرد گرفتار
راولپنڈی(پنجابی میڈیا گروپ) کاؤنٹر ٹیررزم ڈیپارٹمنٹ نے 3دہشت گرداں نوں گرفتار کرکے اسلام آباد سٹاک ایکسچینج تے حملے دا منصوبہ نکام بنا دتا۔ پنجاب پلس دے کاؤنٹر ٹیررزم ڈیپارٹمنٹ نے خفیہ اطلاعواں دی بنیاد تے راولپنڈی وچ کاروائی کردیاں 3دہشت گرداں نوں گرفتار کر لیا اے۔ ترجمان سی ٹی ڈی دا کہنا اے دہشت گرداں نوں خفیہ اطلاع تے اڈیالہ روڈ توں گرفتار کیتا گیا اے تے اوہناں دے قبضے توں بارودی مواد تے اسلحہ وی برآمد ہویا اے۔ دہشت گرداں دا تعلق کالعدم تنظیم تحریک طالبان پاکستان توں اے تے اوہناں نوں افغانستان توں فنڈز تے رہنمائی مل رہی سی۔ سی ٹی ڈی ترجمان دا ہور کہنا سی گرفتار دہشت گرداں نے راولپنڈی وچ دہشت گردی دے 4واقعات وچ ملوث ہون دا اعتراف کیتا اے، ایہدے علاوہ دہشت گرداں نے اسلام آباد سٹاک ایکسچینج تے حملے دی وی منصوبہ بندی بنا رکھی سی۔
