پی ڈی ایم نہ آر ہوئی نہ پار صرف خوار ہوئی اے، شبلی فراز

اسلام آباد(پنجابی میڈیا گروپ) وزیر اطلاعات شبلی فراز نے آکھیا اے کہ اپوزیشن اتحاد پاکستان ڈیموکریٹک موومنٹ پی ڈی ایم نہ آر ہوئی نہ پار صرف خوار ہوئی اے۔ تفصیلات دے مطابق وفاقی وزیر اطلاعات سینیٹر شبلی فراز نے پی ڈی ایم تے لہور جلسے اتے ردعمل ظاہر کردیاں ہویا ں آکھیا اے کہ ایہہ نہ آر ہوئے نہ پار ہوئے ایہہ صرف خوار ہوئے، لہوردا جلسہ اک فلاپ شوسی۔ عوام نے ایہناں ایہناں دے بیانیے سنے رد کردتا۔ لہور تے نپجاب دے شہریاں دی عدم شرکت دی وجہ توں پی ڈی ایم رہنمائواں دے چہریاں اتے ہوائیاں اڑی ہوئیاں سن۔ جہناں دی سمتاں مختلف ہون ایہناں دی منز ل اک نہیں ہو سکدی۔ شبلی فراز نے آکھیا اے کہ پی ڈی ایم دے گوجرانوالہ جلسے وچ پاک افواج دے خلاف زہر اگلیا گیا۔ کراچی جلسے وچ مزار قائد دی بے حرمتی کیتی گئی۔ کوئٹہ جلسے وچ پاکستان توڑن دا سندیسا دتا گیا جدکہ لہور جلسے وچ لہوریاں نوں غدار آکھیا گیا۔