پی ڈی ایم جلسے وچ رلت کرن والاہر بندہ اپنے آپ نوں قرنطینہ کر لئے : یاسمین راشد

لہور( پنجابی میڈیا گروپ) وزیر صحت پنجاب ڈاکٹر یاسمین راشد نے پی ڈی ایم وچ شریک لوکاں نوں اپنے آپ نوں قرنطینہ کرن دا مشورہ دے دتا۔ یاسمین راشد آکھیا پی ڈی ایم جلسے نال پنجاب وچ کورونا دے خطرناک کھلار دے خدشات ودھ گئے، جلسے وچ رلت کرن والا ہر بندہ اپنے ٹبر نوں محفوظ رکھن لئی اپنے آپ نوں 14دیہاڑ لئی قرنطینہ کر لوے۔ اوہناں آکھیا سرکار کورونا دے ودھدے کیساں دے پیش نظر پاکستان ڈیمو کریٹک موومنٹ قیادت نوں جلسہ کرن توں روکدی رہی پر اپوزیشن نے اپنے کارکناں دی زندگیاں داء تے لا دتیاں۔ اوہناں دا کہنا سی پی ڈی ایم نے سیاست چمکان تے کرپشن لُکان دی آڑ وچ کارکناں دی صحت تے جان لیوا حملہ کیتا اے، صحت دی دشمن پی ڈی ایم نوں عوام کدی معاف نہیں کرے گی۔