پی ڈی ایم لہور جلسہ:پوری ٹیم بری طرح بے نقاب ہو گئی، وزیر اعظم

اسلام آباد(پنجابی میڈیا گروپ) وزیراعظم عمران خان آکھیا اے پی ڈی ایم جماعتاں لہور جلسے مگروں بری طرح بے نقاب تے ایہناں دے جعلی بیانیے دی مکمل حقیقت عوام دے ساہمنے آ چکی اے۔ وسیلیاں دے مطابق وزیراعظم عمران خان نے ایہ گل اپنے زیر صدارت ہون والے پارٹی رہنماواں دا اہم اجلاس وچ کیتی، اجلاس دے دوران پی ڈی ایم دے جلسے سنے قومی معاملات تے مشاورت کیتی گئی۔ وزیراعظم عمران خان دا اجلاس نال خطاب وچ کہنا سی استعفیاں دے معاملے تے پوری پی ڈی ایم کنفیوژن دا شکار اے۔ جلسے وچ مداخلت نہ کرن دا حکومتی فیصلہ درت سی۔ ایس موقع تے گل کردیاں پارٹی رہنماواں دا کہنا سی گلگت انتخابات تے جلسیاں وچ نکامی مگروں اپوزیشن اتحاد پی ڈی ایم دا بیانیہ دم توڑ چکیا اے۔ وزیراعظم عمران خان آکھیا پی ڈی ایم نے جلسہ کرکے لوکاں دی زندگیاںنوں خطرے وچ پایا۔ ایہ لوک جنے مرضی جلسے کر لین ایہنان نوں این آر او نہیں ملے گا۔ این آر او لئی پی ڈی ایم رہنماواں نے کل جلسہ کیتا۔ وزیراعظم دی زیر صدارت اجلاس وچ وفاقی وزیر داخلہ شیخ رشید، وزیر منصوبہ بندی اسد عمر، وزیر تعلیم شفقت محمود، وفاقی وزیر اطلاعات شبلی فراز، معاون خصوصی شہباز گل سنے دوجے شریک سن۔