صدر مملکت نے انسدادِ ریپ آرڈیننس2020 ء اُتے دستخط کر دتے
اسلام آباد(پنجابی میڈیا گروپ) صدر مملکت ڈاکٹر عارف علوی نے انسدادِ ریپ آرڈیننس2020 ء دی منظوری دیدتی۔آرڈیننس دے نال عورتاں تے بالاں دے خلاف جنسی زیادتی دے معاملات نوں جلد نمٹان وچ مدد ملے گی۔آرڈیننس دے تحت جنسی زیادتی دے ملزمان دے تیز ٹرائل تے کیسز جلد از جلد نمٹان لئی ملک بھر وچ اسپیشل کورٹس دا قیام عمل وچ لے آیاجاوے گا۔ خصوصی عدالتاں 4ماہ دے اندر جنسی زیادتی دے کیسز نوں نمٹان گیاں۔ آرڈیننس دے تحت وزیرِ اعظم انسدادِ جنسی زیادتی کرائسس سیلز دا قیام عمل وچ لے آن گے۔ کرائسس سیل 6گھنٹے دے اندر اندر میڈیکولیگل معائنہ کران دا مجاز ہووے گا۔ نادرا دی مدد دے نال قومی سطح اتے جنسی زیادتی دے مجرمان دارجسٹر تیار کیتا جاوے گا۔
