جھوٹھی سرکار دی جھوٹھی ایف آئی آر جلسے دی کامیابی دا ثبوت اے، مریم اورنگزیب

اسلام آباد(پنجابی میڈیا گروپ) پاکستان مسلم لیگ (ن) دی ترجمان مریم اورنگزیب نے مینار پاکستان جلسے اتے ایف آئی آردے اندراج دی شدید مذمت کردیاں ہویاں آکھیا اے کہ جھوٹھی سرکار دی جھوٹھی ایف آئی آر جلسے دی کامیابی دا تحریری ثبوت اے۔اپنے اک بیان وچ اوہناں نے آکھیا جلسہ چھوٹا وکھان دی ترجمانی دے نال ہلکان وزیراعظم تے کرائے دے ترجماناں نوں چلو بھر پانی وچ ڈوب مرنا چاہیدا اے۔ جلسہ چھوٹا وکھان دے پراپیگنڈے وچ بدترین نکامی لاچاری اتے ہن ایہہ جھوٹا پرچہ درج کیتا گیا۔ عمران صاحب پرچے کٹ کے تساں اپنی فسطائی ،آمرانہ تے غیر جمہروی سوچ نوں مزید بے نقاب کیتا اے۔ عوامی مینڈیٹ چران والیاں دی مسلم لیگ ن دے قائد اتے ایف آئی آر ایہناں دی گھبراہٹ تے خوف داثبوت اے۔ مریم اورنگزیب نے مزیدآکھیا ا ے کہ جھوٹی ایف آئی آرا دے پچھے چھپن دے نال تہاڈا جعلی مینڈیٹ بچ نہیں سکدا۔اوہناں نے مزیدآکھیا اے کہ جھوٹی ایف آئی آرز ،ترجماناں تے اشتہاراں اتے چلدی ناجائز سرکار مینار پاکستان جلسے توں ہل گئی اے۔ ایسیں تہان این آر او نہیں دیا ںگے۔