استعفی دین دی ہمت اے نہ لانگ مارچ کرن دا حوصلہ اے، عثمان بزدار

لہور(پنجابی میڈیا گروپ)وزیر اعلی پنجاب سردار عثمان بزدار نے اپنے اک بیان وچ آکھیا اے کہ پی ڈی ایم مینار پاکستان دے نکام شو دے بعد منفی سیاست توں توبہ کرلوے۔ عوام نے اپوزیشن دی کرپٹ قیادت دے خلاف فیصلہ سنا دتا اے۔ عثمان بزدار نے آکھیا کہ پی ڈی ایم دی استعفیٰ سیاست وی بری طرحاں نکام ہوگئی اے۔ ہن ملک وچ صرف ترقی تے عوامی منصوبیاں دی سیاست چلے گی۔ اوہناں نے آکھیا اے کہ اپوزیشن 2023 تیک صبر تے آرام کرے، وزیراعلیٰ پنجاب عثمان بزدار ہوراں نے آکھیا اے کہ عوام دی حمایت دے نال تحریک انصاف دے مینڈنٹ دے خلاف ہر سازش نکام بنائی، عوامی ترقی دے رستے وچ اپوزیشن دے منفی حربے برداشت نہیں کیتے جان گے۔ اوہناں نے مزیدآکھیا ے کہ مینار پاکستان دے نکام شو دے بعد اپوزیشن دے پیر اکھڑ چکے نیں۔ عوام نوں وزیر اعظم عمران خان دی قیادت اتے پورا اعتماد اے۔