وزیراعلی عثمان بزدار دی طبیعت ڈاھڈی خراب: کورونا ٹیسٹ لے لیتا گیا
لہور( پنجابی میڈیا گروپ)وزیراعلی پنجاب عثمان بزدار دی طبیعت ناساز ہوگئی اوہناں دا کورونا ٹیسٹ لے لیتا گیا۔ذرائع سی ایم آفس دے مطابق وزیراعلی پنجاب نوں دو دناں توں تیز بخار تے کھانسی اے۔ عثمان بزدار نوں کورونا دی رپورٹ دا انتظار اے۔ وزیراعلی پنجاب نے اپنے آپ نوںقرنطینہ کرلیا۔یاد رکھنا کہ16نومبر نوں مراد علی شاہ دے کووِڈ 19 ٹیسٹ دا نتیجہ مثبت آیا سی، اوہناں نوں بخار ہو گیا سی جس اُتے اوہناں نے کورونا ٹیسٹ کروایا سی۔ مراد علی شاہ17دن کورونا وچ مبتلا رہے، جس دے بعد اوہناں دا کورونا ٹیسٹ منفی آگیا۔
