ساری جماعتاں نوں پارلیمان دے جمہوری اقدار دی پاسداری نوں یقینی بنانا چاہیدا اے: وزیراعظم
اسلام آباد: وزیراعظم عمران خان دا کہنا اے ساری جماعتاں نوں پارلیمان دے تقدس تے جمہوری اقدار دی پاسداری نوں یقینی بنانا چاہیدا اے۔ وزیراعظم عمران خان نال سپیکر قومی اسمبلی اسد قیصر دی ملاقات ہوئی، ملاقات وچ پارلیمانی نظام تے گل ہوئی۔ ملاقات دے دوران وزیراعظم آکھیا پارلیمان قنون سازی، جمہوریت دے تسلسل لئی نہایت اہم تے سب توں وڈآ آئینی فورم اے، ساری جماعتاں نوں پارلیمان دے تقدس تے جمہوری اقدار دی پاسداری نوں یقینی بنانا چاہیدا اے۔ وزیراعظم نے ہور آکھیا عوام پارلیمنٹ وچ اپنے مسئلیاں دی آواز چُکن لئی منتخب نمائندیاں ول ویکھدی اے، پارلیمنٹ دی اصل طاقت عوام دی خدمت تے آئین دی پاسداری اے۔
