مولانا فضل الرحمان خود سلیکٹڈ نیں تے عمران خان نوں کہندے نیں: مولانا شیرانی

کوئٹہ: سینئر رہنما جے یو آئی ، سابق چیئرمین اسلامی نظریاتی کونسل مولانا شیرانی دا کہنا اے مولانا فضل الرحمان خود سلیکٹڈ نیں، اوہ عمران خان نوں کیویں کہندے نیں کہ اوہ سلیکٹڈ اے۔ سینئر رہنما جے یو آئی، مولانا شیرانی نے میڈیا نال گل کردیاں آکھیا موجودہ پی ڈی ایم ذاتی مفادات لئی قائم ہوئی اے۔ پی ڈی ایم والے مخاصمت لئی نہیں سگوں مفاہمت لئی اکٹھے ہوئے نیں۔ مولانا شیرانی نے آکھیا میں بہت پہلاں آکھیا سی کہ عمران خان اپنے پنج ورھے پورے کرے گا، آن والے پنج ورھے وی عمران خان دے ای ہون گے۔اوہناں آکھیا میرا مننا اے ایہ پارٹی کسے دی ذاتی جاگیر نہیں اے، جے کوئی انج سوچ رہیا اے تے ایہ اوہدی خام خیال اے، میں اپنے ساتھیاں نال مشورہ کرکے بلوچستان دے سارے ضلعیاں وچ پارٹی دے دفاتر قائم کراں گا۔ مولانا شیرانی آکھیا حافظ حسین ساڈا پرانا، عقلمند تے سمجھدار ساتھی اے، سب دے نال رابطے نیں، کورونا وائرس کسے قسم دی کوئی بیماری نہیں اے، ایہ نیو ورلڈ آرڈر دی ریہرسل اے۔