ملک مخلص تے محنتی سیاستدان توں محروم ہو گیا: چیئرمین سینیٹ
اسلام آباد: چیئرمین سینیٹ صادق سنجرانی دا مسلم لیگ (ن) دی سینیٹر کلثوم پروین دے انتقال تے کہنا اے پاکستان اک مخلص تے محنتی سیاستدان توں محروم ہو گیا۔صادق سنجرانی نے کلثوم پروین دے اہل خانہ نوں فون کیتا تے آکھیا اوہ مرحومہ دے انتقال تے انتہائی افسردہ نیں۔
چیئرمین سینیٹ دا کہنا سی ایوان بالا اک انتہائی فعال رکن تے پروگریسو سوچ والی مدبر سیاستدان توں محروم ہو گیا اے۔ اوہناں آکھیا کلثوم پروین نے بلوچستان وچ پسماندہ طبقیاں دی بھرپور نمائندگی کیتی، اوہناں دے انتقال نال دیس اک مخلص سیاستدان توں محروم ہو گیا۔
