نواز شریف،آصف زرداری تے مولانا دے آپس وچ ٹیلی فونک رابطے

ّاسلام آباد (بیورو رپورٹ)قومی اسمبلی تے صوبائی اسمبلیاں توں استعفے دے معاملے اتے پی ڈی ایم جماعتاں وچ اختلافات برقرار نیں تے پیپلز پارٹی نے واضح طور تے موقف اختیار کیتا کہ اوہ سینیٹ الیکشن توں پہلاں استعفے دین دے حق وچ نہیں جدکہ پیپلز پارٹی ضمنی انتخاب وچ وی حصہ لے گی تے ایس لئی امیدواراں کولوں درخواستاں وی طلب کیتیاں گیاں نیں۔ دوجے پاسے نوازشریف سینیٹ چناؤ توں پہلاں استعفے دین دے حق وچ نیں پی ڈی ایم دے سربراہ مولانا فضل الرحمن نے ایس ساری صورت حال اتے غور لئی جلد پی ڈی ایم دا سربراہی اجلاس بلان دا فیصلہ کیتا اے۔ ذرائع نے دسیا کہ پچھلے صدر آصف زرداری نے مسلم لیگ (ن) دے قائد نواز شریف تے پی ڈی ایم دے سربراہ مولانا فضل الرحمن دے نال متعدد واری ٹیلی فونک روابط ہوئے نیں۔