کراچی وچ لاوا پک رہیا اے،لوکائی ناراض نیں، مصطفی کمال

کراچی (بیورو رپورٹ)مصطفی کمال نے آکھیا کہ پاک سرزمین پارٹی شہر نوں لاوارث نہیں چھڈے گی، جلد کسی لائحہ عمل دا اعلان کراں گے۔ایہناں داآکھنا سی کہ مردم شماری وچ ووٹر لسٹ وچ لوکائی زیادہ نیں آبادی وچ نہیں، ایم کیو ایم نے عوام نوں بے وقوف بنان لئی اختلافی نوٹ لکھ دتا جدوں تیک شہر دا چوکیدار تبدیل نہیں کیتا جاوے گا ایہہ شہر محفوظ نہیں رہ سکدا۔ چیئرمین پی ایس پی مصطفی کمال ہوراں نے مزیدآکھیا اے کہ پاکستان اتنا مایوس کدی نہیں ہویا پاکستانیاں نوں سرکار کولوں کوئی امید نہیں۔ اپوزیشن تے سرکار آپس وچ گتھم گتھا ہوئی پی اے۔ کسی نوں عوام دی عوئی فکر نہیں۔ ایہناں داآکھنا سی کہ وفاقی کا بینہ نے کراچی دی مردم شماری نوں تسلیم کیتا اے۔ کراچی دے 70لکھ لوکائی گٹھ گنے گئے نیں۔ پورے کراچی وچ سیوریج دا نظام درہم برہم اے نہ شہر وچ صفائی دا کوئی انتظام اے۔ نا کسی نوں بجلی مل رہی اے نا ای کسی نوں گیس مل رہی اے۔ مصطفی کمال نے آکھیا اے کہ پچھلے میئر وسیم اختر دے خلاف کوئی ریفرنس نہیں آیا۔ ایہہ ا رباں دی کرپشن کرکے آزاد گھوم رہیا اے۔