نواز شریف 71 برس دے ہوگئے،اج ملک بھر وچ سالگرہ دے کیک کٹے جان گے

لہور(سٹی رپورٹر) پچھلے وزیر اعظم پاکستان تے پاکستان مسلم لیگ ن دے قائد میاں نواز شریف اکہتر برس دے ہو گئے۔ 25دسمبر جمعہ نوں ایہناں دی 71ویں سالگرہ منائی جاوے گی۔ملک بھر وچ تقریبات منعقد ہون گیاں جہدے وچ سالگرہدے کیک کٹے جان گے تے میاں محمد نواز شریف دی صحت و تندرستی تے ایہناں دی درازی عمرلئی دعاؤاں منگیاں جان گایں۔ مسلم لیگ ن لائرز فورم تحصیل جہانیاں دے زیر اہتمام وکلاء میاں نواز شریف دی سالگرہ دا کیک کٹن گے۔میاں محمد نواز شریف 25دسمبر 1949ء نوں لہور وچ پیدا ہوئے اوہ تن واری پنجاب دے وزیراعلیٰ تے تن واری ای ملک دے وزیر اعظم پاکستان رہنے دا منفرد اعزاز رکھدے نیں۔ ایہناں بطور وزیراعظم وزیر اعظم جنرل ضیاء الحق،غلام اسحٰق خان،وسیم سجاد،فاروق لغاری،رفیق تارڑ،آصف زرداری تے ممنون حسین دے نال کم کیتا۔