جمہوریت دی مضبوطی لئی اداریاں دا مضبوط ہونا اہم اے: وزیراعظم

اسلام آباد: وزیراعظم عمران خان دا کہنا اے اپنی سیاست چمکان لئی اداریاں تے انگلیاں چُکن والے کسے قیمت تے جمہوریت دے علمبردار نہیں ہو سکدے، جمہوریت دی مضبوطی لئی اداریاں دا مضبوط ہونا اہم اے۔ وزیراعظم عمران خان نال اوہناں دے مشیر برائے پارلیمانی امور ڈاکٹر بابر اعوان نے اسلام آباد وچ ملاقات کیتی جہدے وچ دیس دی سیاسی صورتحال، آئینی، قنونی تے پارلیمانی امور بارے تبادلہ خیال کیتا گیا۔

ایس موقع تے وزیراعظم عمران خان دا کہنا سی جمہوریت دی مضبوطی لئی اداریاں دا مضبوط ہونا اہم اے۔ ریاست دے سارے ستون اپنے دائرہ کار وچ رہ کے ملکی ترقی لئی کم کر رہے نیں۔ بابر اعوان نے معاشی استحکام تے کورونا توں بچاؤ دی حکومتی پالیسیاں نوں سرکار دی اہم کامیابیاں قرار دیندیاں آکھیا اندھیرے فروشاں دا پاکستان وچ ہن کوئی مستقبل نہیں۔