حکومتی اکاؤنٹس وچ 7کروڑ تے کیہ 7ارب ایدھر اودھر ہو جاندے نیں: چیف جسٹس
کراچی: سپریم کورٹ نے محکمہ تعلیم سندھ وچ 7کروڑ توں ودھ دی خردبرد دے جرم وچ سینئر اکاؤنٹنٹ ٹھٹھہ عرفان احمد شیخ دی برطرفی دے خلاف اپیل رد کر دتی۔ سپریم کورٹ کراچی رجسٹری وچ محکمہ تعلیم سندھ وچ 7کروڑ توں ودھ دی خردبرد دے جرم وچ سینئر اکاؤنٹنٹ ٹھٹھہ عرفان احمد شیخ دی برطرفی دے خلاف اپیل دی سماعت ہوئی۔ چیف جسٹس آف پاکستان جسٹس گلزار احمد دی سربراہی وچ جسٹس قاضی امین احمد تے مشتمل ڈویژنل بنچ نے سماعت کیتی۔
عدالت نے سابق سینئر اکاؤنٹنٹ دی عرضی رد کر دیت۔ چیف جسٹس گلزار احمد نے ریمارکس دتے کیہ سانوں نہیں پتہ حکومتی اکاؤنٹس وچ کیہ ہوندا اے، ایہ تے 7کروڑ دی خردبرد اے، 7ارب ایدھر اودھر ہو جاندے نیں، تسیں کہندے او کہ انسانی غلطی اے پر 7کروڑ ایدھر اودھر ہو گئے۔ ملزم دے وکیل نے آکھیا میرا موکل ٹھٹھہ محکمہ تعلیم وچ سینئر اکاؤنٹنٹ سی جہڑی آئی ڈی توں رقم منتقل ہوئی اوہ سب دے استعمال وچ سی، انکوائری وچ حقائق نوں نظر انداز کر دتا گیا، نوکری توں جبری برطرفی دے فیصلے نوں کالعدم قرار دتا جائے۔
