اسلام آباد ہائی کورٹ: زمیناں خالی کران داآپریشن روکن دی استدعا رد

اسلام آباد(بیورو رپورٹ)اسلام آباد ہائیکورٹ چیف جسٹس اطہر من اللہ نے سی ڈی اے ولوں گاؤں بھیکہ سیداں وچ زمیناں خالی کران دا آپریشن روکن دی درخواست اتے سماعت کیتی۔ رضیہ بی بی نے عدالت دے نال استدعا کیتی کہ سی ڈی اے نے زمین تے گھر ساڈے کولوں لے کے معاضہ ادا نہیں کیتا۔سی ڈی اے نے آبائی گھر گران لئی اج تیک دی مہلت دتی۔عدالت نے فوری آپریشن توں روکن دی استدعا رد کردتی۔ دوران سماعت عدالت نے ریمارکس دتے کہ سالاں توں معاوضہ ادانہیں ہویا اج آخری روز حکم امتناع کیویں دیئے؟عدالت نے گاؤں بھیکہ سیداں کیس وچ سی ڈی اے نوں نوٹس جاری کردیاں ہویاں یکم جنوری تیک جواب طلب کر لیا۔