ریلوے کالونیاں وچ بتی دے میٹر ہی کوئی نہیں

اسلام آباد( پنجابی میڈیا گروپ) وزیراعظم عمران خان نے ریلوے کالونیاں وچ25ہزار بتی دے میٹر ہنگامی طور اُتے لگان دا حکم دے دتا۔وزیراعظم نے بتی دے میٹراں دیمعاملے دی مانیٹرنگ لئی کوآرڈی نیشن کمیٹی قائم کردئیاں ہوئیاں ہدایت کیتی کہ ریلوے کالونیاں وچ اج توں میٹراں لانے شروع کرن تے ایہ عمل4مہنیاں وچ مکمل کیتا جائے۔وزیراعظم عمران خان نے آکھیا کہ قومی خزانے دی اک اک پائی قوم دی امانت اے تے اوس نوں امانت سمجھ کے ہی خرچ کراں گے، قومی خزانے نوں نقصان پہنچان والے کسے وی رعایت دے مستحق نہیں ،وزیرریلوے اعظم سواتی نے وزیراعظم نوں رپورٹ پیش کیتی جس دے مطابق ریلوے کالونیاں وچ بتی دے میٹرنہ ہونے اُتے سالانہ ڈھائی ارب روپے دا نقصان ہوئیا، ریلوے ملازم سالہا سال توں بتی استعمال کررہے نیں جس دا سارا بوجھ محکمہ ریلوے اُتے پیا، ایس نقصان وچ واپڈا تے ریلوے دی ملی بھگت نکلی۔