زینب جمیل نے ماڈلنگ دیاں ساریاں تصویراں ڈیلیٹ کر دتیاں
لہور( پنجابی میڈیا گروپ)سابق اداکارہ تے ماڈل زینب جمیل نے اپنے سوشل میڈیا اکاونٹ توں ماڈلنگ دیاں ساریاں تصویراں ڈیلیٹ کر دتیاں۔میڈیا رپورٹ دے مطابق حال ہی وچ اسلام دی خاطر اداکاری تے ماڈلنگ توںکنارہ کرن دا اعلان کرن والی زینب جمیل نے انسٹاگرام توں اپنیاں ساریاں تصویراں ڈیلیٹ کردتیاں جو اوہناں نے شوٹ کروائیاں سن۔ زینب جمیل دے انسٹاگرام اکانٹ دا جائزہ لیتا جائے تے ایس وقت اوہناں دے اکائونٹ اُتے صرف31پوسٹاں نیں جِناں وی کجھ اوہناں دیاںاپنیاں تصویراں نیں، کجھ اوہناں دی بیٹی دیاں تصویراں نیں جدکہ کجھ پوسٹاں اوہ نیں جو اوہناں نے شوبز توںکنارہ کرن دا اعلان کیتا سی۔
