بھارتی رافیل طیارے دا توڑ، پاک فضائیہ نے بلاک تھری دی تیاری شروع کردتی
اسلام آباد(بیورو رپورٹ) پاک فضائیہ نے ملکی دفاع وچ اک وڈی پیشرفت لے آندیاں ہویاں بھارتی رافیل طیارے دے توڑ بلاک تھری دی تیاری شروع کردتی اے۔ پاک فضائیہ دا بلاک 3 بھارت دے فرانس توں حاصل کردہ رافیل طیارے توں درجہ چنگا اے۔ بلاک تھری دی پروڈکشن داآغاز ہوگیا اے۔ جے ایف 17 دے ڈبل سیٹ دی فضائیہ دے بیڑے وچ وی شمولیت، چین پاک تعاون توں تیار کردہ 14 ڈبل سیٹ طیارے پاک فضائیہ دے حوالے کر دتے گئے۔ پاک فضائیہ دے سربراہ ایئر چیف مارشل مجاہد انور خان تقریب دے مہمان خصوصی سن، چینی دے سفیر نونگ زگونگ تے نائیجرین حکام وی تقریب وچ موجودسن۔ڈبل سیٹ 14 طیارے پاکستان تے چین دے تعاون دے نال تیار کیتے گئے نیں، ڈبل سیٹ طیارے تربیت لئی وی استعمال ہون گے۔
پاک فضائیہ دے جے ایف 17 طیارے نائیجریایا نوں وی فروخت کیتے گئے نیں۔سربراہ پاک فضائیہ ایئر چیف مارشل مجاہد انور خان دا ایس موقع اتے آکھنا سی کہ پاک چین تعلقات د ااج تاریخی دن اے۔ کیونکہ اج جے ایف 17بلاک بی دے ڈبل سیٹ طیاراں دی فضائی بیڑہ وچ شمولیت ہو رہی اے۔ مجاہد انور خان نے تقریب دے نال خطاب دے دوران آکھیا کہ اج ای جے ایف 17 بلاک 3 دی ط رفوں وی پیش رفت کررہے نیں۔ ایس سنگ میل نوں عبور کرن اتے چین دے شکر گزارآں۔
