اپوزیشن دا شوفلاپ ہو چکیا، وزیراعظم کدی ا یہناں دی بلیک میلنگ وچ نہیں آسکدے، سینیٹرفیصل جاوید

اسلام آباد(بیور ورپورٹ)پاکستان تحریک انصاف دے سینٹرز فیصل جاوید تے سینیٹر ذیشان خانزادہ نے آکھیا اے کہ اپوزیشن دا شوفلاپ ہو چکیا، وزیراعظم کدی ا یہناں دی بلیک میلنگ وچ نہیں آسکدے، این آر نو نہیں ملے گا۔ استعفیٰ دے غبارے توں ہوا نکل چکی اے اسیں تے انتظار وچ آں کہ بسم اللہ کرن تے اسیں اللہ اکبر کریئے۔ایہناں خیالات دا اظہاراوہناں نے بدھ نوں پارلیمنٹ وچ پریس کانفرنس دے نال خطاب کردیاں ہویاں کیتا۔ سینیٹر فیصل جاوید ہوراں نے آکھیا اے کہ اپوزیشن نے استعفے دینے نیں تے اج ای دیوے۔ نئے سا ل داآغاز چنگا ہونا چاہیدا اے۔ ایہناں دے استعفے ہن لطیفے بن چکے نیں۔ اپوزیشن نے ہمیشہ عمران خان نوں بلیک میل کیتا۔ اوہناں نے مزیدآکیا اے کہ وزیراعظم عمران دی پہلی تقریر دے پہلاں پنج منٹ وچ اوہناں نے آکھیا اے کہ سرکار نکام ہوچکی اے۔