آٹا، چینی، دال دی قیمتاں وچ وادھا روکن لئی ہر قدم چکیا جائے: وزیراعظم

اسلام آباد( پنجابی میڈیا گروپ) وزیراعظم عمران خان آکھیا اے آٹا، چینی، دال دی قیمتاں وچ وادھا روکن لئی ہر قدم چکیا جائے۔ عمران خان دی زیر صدارت ترجیحاتی شعبیاں دا ہفتہ وار جائزہ اجلاس ہویا جہدے وچ معاون خسوسی ڈاکٹر معید یوسف، متعلقہ وزارتاں دے سیکرٹریاں تے اعلیٰ افسراں نے رلت کیتی۔ چاراں صوبیاں دے چیف سیکرٹریز وی ویڈیو لنک دے ذریعے اجلاس وچ شریک ہوئے۔وزیراعظم نے نیشنل سکیورٹی ڈویژن ولوں تیار کیتے آئن لائن ایگری ڈیش بورڈ دی منظوری دتی جہڑا اشیاء خورونوش دی قیمتاں تے دستیابی دی قومی، صوبائی تے ضلعی سطح تے نگرانی کرے گا۔ ڈیش بورڈ نہ صرف تصدیق شدہ اعشاریاں دی مدد نال کسے وی بحران توں بچن وچ کلیدی کردار ادا کرے گا سگوں ذخیرہ اندوزی تے منافع خوری نوں روکن وچ وی انتہائی موثر ثابت ہووے گا۔ وزیراعظم نے ایس موقع تے واضح ہدایات دتیاں کہ آٹا، چینی تے دالاں ورگی شیواں جہڑی کسے وی غریب گھرانے لئی انتہائی اہم نیں اوہناں دی قیمتاں دے ودھن نوں روکن لئی کسے وی قسم دے اقدامات کرن توں گریز نہ کیتا جائے، ایہدے علاوہ برآمدات نوں ودھان تے درآمدات لئی مقامی متبادلہ لبھن لئی اقدامات کیتے جاؤن تاں جے کرنٹ اکاؤنٹ سرپلس نوں ہو رودھایا جائے تے زرمبادلہ دے ذخائر تے دباؤ نہ ہووے۔