رواں سال ترقی دا سا ل ہووے گا دو سالتجربہ کیتا ہن ہر چیلنجز دے نال نمٹن لئی تیار آں، عمران خان
ا سلام آباد (بیورو رپورٹ)وزیراعظم عمران خان نے سال 2021 ء نوں پاکستان دی ترقی دا سال قرار دیندیاں ہویاں آکھیا اے کہ رواں سال ترقی دا سال ہو وے گا،2021 وچ میرے دو اہداف نیں اک صحت دی مفت سہولیات دوجاکوئی بھوکا نہ سوئے دے پروگرام شامل نیں۔ ماضی دی سرکاراں نے برآمدات ودھان دی کدی کوشش ای نہیں کیتی۔ دو سال تجربہ کیتا ہن ہر چیلنجزدے نال نمٹن لئی تیارآں۔ عوام نوں غربت توں کڈن لئی چین داڈویلپمنٹ ماڈل ساڈے لئی سبھ توں زیادہ قابل عمل اے۔اسلام آباد وچ گڈیاں متعارف کروان دی تقریب دے نال خطاب کردیاں ہویاں وزیر اعظم نے آکھیا پاکستان اگر کسی ملک کولوں سیکھ لیندا اے تے اوہ چین اے ایہناں دا ترقی دا ماڈل سانوں سبھ توں زیادہ چنگا روے گا۔
عمران خان نے مزیدآکھیا اے کہ چین نے جس طرحاں صنعتکاری دی،برآمدات دے زونز بنائے،بیرون ملک توں سرمایہ کاری لے کے آئے تے ایہدے دے نا ل اپنی برآمدات ودھائی جہدے نال ایہناں دی دولت وی ودھی تے ملک وچ لوکائی نوں غربت وچوں وی کڈیا۔ ایہدی دنیا وچ کوئی مثال نہیں۔ وزیراعظم عمران خان ہوراں نے تقریب دے نال مزیدخطاب کردیاں ہویاں آکھیا ا کہ آٹو موبائل دی صنعت انج دی اے جہدے نال ایہدے نال جڑیاں ساریاں صنعتاں ترقی کرن گیاں۔ روزگارپیدا ہووے گا۔ اوہناں نے مزیدآکھیا اے کہ رواں سال ترقی دا سال ہو وے گا،2021 وچ میرے دو اہداف نیں اک صحت دی مفت سہولیات دوجاکوئی بھوکا نہ سوئے دے پروگرام شامل نیں۔ ماضی دی سرکاراں نے برآمدات ودھان دی کدی کوشش ای نہیں کیتی۔ دو سال تجربہ کیتا ہن ہر چیلنجزدے نال نمٹن لئی تیارآں۔ 2021 ء وچ کاروبار دوست پالیسی بناواں گے۔
