میڈیا اور اینکرز پر جو کیچڑ اچھالا گیا اس کی مذمت کرتا ہوں،مراد سعید

اسلام آباد (بیورو رپورٹ) پاکستان تحریک انصاف دے رہنما مراد سعید نے آکھیا کہ نیب اتے نیب دا ترجمان ای چنگے انداز وچ گل کرسکدا اے۔ میڈیا تے اینکرز اتے جہڑا کیچرا اچھالیا گیا ایہدی مذمت کرناں واں۔ پاناما دے فیصلے وچ واضع اے اوہناں نے اپنی ک رپشن اتے اداریاں نوں دفاع لئی استعمال کیتا۔ ورلڈ بینک تے دیگر اداریاں نے آکھیا اے کہ جمہوریت وچ شفافیت ناگزیر تے میڈیا دا آزاد ہونا لازم شرط اے۔ پانامہ کیہ نیب نے جاری کیتاایہدے وچ سرکار دا کوئی ہتھ سی۔ سینیٹ اجلاس وچ گل بات کردیاں ہویاں اوہناں نے آکھیاکہ دنیا وچ پنامہ وچ کئی وزیراعظم تے وزیر مستعفی ہوگئے ایتھے ڈھٹائی دے ھنال جواب دتا جا ندا رہیا۔

پارلیمنٹ وچ ذرائع دسے گئے فیر عدالت وچ قطری خط آگیا الٹا دھمکیاں دتیاں گیاں کہ بالاں نوں چک لین گے۔لوہے دے چنے،چھٹی دا دودھ یاد دلا دین گے،مراد سعید ہوراں نے آکھیا کہ جعلی اکاؤنٹس دا کیس عمران خان نے بنایا اے،نیویارک ٹائمز وچ 2018وچ کرپشن دا ذکر کیتا اوہ واضع ثبوت نیں،ایس آرٹیکل وچ شریک چیئرمین نوں مسٹر فائیو پرسنٹ آکھیا گیا۔ مراد سعید نے مزیدآکھیا اے کہ جہڑے ماضی وچ اک دوجے اتے الزام لگاندے سن اج سارے اک چھت ہیٹاں جمع نیں۔ فیٹف بل وچ جہڑی ترامیم لے کے اپوزیشن آئی ایس توں چنگا سی نیب ای ختم کردیندے۔