11جنوری توں سکول ہر صورت کھولاں گے: سپریم کونسل
اسلام آباد( پنجابی میڈیا گروپ) سپریم کونسل پرائیویٹ اسکولز نمائندیاں نے ہر صورت پرائیویٹ سکول11جنوری توں کھولن دا فیصلہ کیتا اے۔ پرائیویٹ اسکولز سپریم کونسل تے حکومت دے درمیان مذاکرات شروع ہوگئے، وزیر تعلیم شفقت محمود، پارلیمانی سیکرٹری وجیہ اکرام، چیئرپرسن پیرا حکومت دی نمائندگی کررہے نیں جد کہ سپریم کونسل دے وفد وچ افضل بابر، حافظ بشارت، ابرار خان تے ناصرمحمود رلت کیتی۔ایس موقع اُتے سپریم کونسل پرائیویٹ اسکولز دے نمائندیاں نے موقف اختیار کیتا کہ پرائیویٹ سکول11جنوری نوں کھولن دا ساڈا سانجھا فیصلہ اے، حکومت ساڈیاں مشکلاں سمجھے تے اوہناں دے حل لئیاقدامات کرے۔ایس موقع اُتے وزیر تعلیم شفقت محمود داکہنا سی کہ گرمیاں دیاں چھٹیاں ایس سال گھٹ ہون گیاں۔حتمی منظوری این سی او سی دیئے گی لیکن مارچ وچ ہون والے امتحان لیٹ ہون گے جدکہ سکول کھلن دا حتمی فیصلے چار جنوری نوں این سی او سی اجلاس وچ ہوئے گا۔
