پنجاب دے چڑیا گھراں وچ خوراک دی سپلائی بند ہون دا خدشہ

لہور( پنجابی میڈیا گروپ) ٹھیکداراں نے پچھلے کئی مہنیاں توں واجبات دی عدم ادائیگی اُتے راشن دی سپلائی بند کرن دی دھمکی دے دتی اے۔ پنجاب دے چڑیاگھراں تے وائلڈلائف پارکاں وچ جانوراں تے پرندیاں لئی راشن سپلائی کرن والے ٹھیکداراں نے پچھلے کئی مہینیاں توں واجبات دی عدم ادائیگی اُتے راشن دی سپلائی بند کرن دی دھمکی دے دتی اے، لہورچڑیا گھردےعلاوہ پنجاب دے ہوراںوائلڈ لائف پارکس تے چڑیا گھراں نوں راشن دی فراہمی لئی فوری طور اُتے8کروڑ روپے درکارنیں۔پنجاب وائلڈ لائف دے زیرانتطام ایس وقت صوبے وچ چار وڈے چڑیا گھرجد کہ16وائلڈ لائف پارک نیں، جناں وچ10ہزار توں ودھ جنگلی جانورتے پرندے موجود نیں۔ لہورچڑیا گھرخود مختاراے لیکن ایس نوںوی مالی مشکلات دا ساہمنا اے، لیکن ایس وقت لہور چڑیا گھر اپنے ریزروفنڈز توں راشن خرید رہیا اے، جد کہ ہوراں چڑیا گھرجناں وچلہورسفاری زو، بہاولپورچڑیا گھر تیڈیرہ غازیخان چڑیا گھرشامل نیں، اوہناں نوں راشن دے فنڈز فنانس ڈیپارٹمنٹ ولوں دتے جا رہے نیں۔ کوویڈ 19 دی وجہ نال جد چڑیا گھرتے پارک بند کیتے گئے ایس وقت توں پنجاب فنانس ڈیپارٹمنٹ ولوں پنجاب وائلڈلائف نوں فنڈزریلیزنہیں ہوسکے سن۔