جعلی اسمبلی نوں مدت پوری نہیں کرن دیاں گے، فضل الرحمان

ڈی آئی خان(بیورورپورٹ) جمعیت علمائے اسلام ف دے سربراہ مولانا فضل الرحمان نے آکھیااے کہ جعلی اسمبلی نوں مدت پوری نہیں کرن دیاں گے،ات گردی نوں ختم کرن والے دعویدار کتھے نیں قبائلی علاقے تے بلوچستان غیر محفوظ نیں۔ بنوں وچ پی ڈی ایم دے جلسے وچ شرکت لئی روانگی توں پہلاں پترکاراں دے نمائندیاں دے نال گل بات کردیاں ہویاں مولانا فضل الرحمن نے آکھیا اے کہ جعلی اسمبلی نوں مدت پوری نہیں کرن دیاں گے،عوامی مینڈیٹ نوں پس پشت پا کے موجودہ اسمبلیاں وجود وچ لے آئیاں گیاں۔ وزیراعظم نے پسپائی دا رستہ اختیار کیتا ہویا اے۔ ملتان تے لہور وچ پی ڈی ایم دے جلسیاں تے ریلیا ں وچ رکاوٹاں کھڑیاں کیتیاں گیاں۔ مقامی میڈیا نوں زبردستی غلط رپورٹنگ وچ کرائی گئی جس نوں انٹرنیشنل میڈیا نے رد کردتا اے۔ مولانا فضل الرحمن ہوراں نے مزیدآکھیا اے کہ ات گردی نوں ختم کرن والے دعویدار کتھے نیں قبائلی علاقے تے بلوچستان غیر محفوظ نیں۔