پہلے حکمراناں نے قومی دولت اُتے چنگا ہتھ صاف کیتا

لہور( پنجابی میڈیا گروپ) فرودش عاشق اوعوان نے آکھیا کہ معاشی ترقی دا براہ راست انحصار سستی توانائی دی دستیابی اُتے اے ،ماضی دے حکمراناں نے رینٹل پاور پلانٹس تے مہنگی بتی دے معاہدیاں اُتے قومی دولت اُتے ہتھ صاف کیتا ۔وزیر اعلیٰ پنجاب دی معاون خصوصء اطالاعات ڈاکٹر فردوس عاشق اعوان نے سماجی رابطے دی ویب سائٹ اُتے ٹویٹ کر دیاں آکھیا کہ بزدار حکومت نے ویہاڑی ، سمندری ، پاکپتن، مرالہ ، لیہ تے ہور کئی جگہ اُتے توانائی دے سستے منصوبے شروع کرن دے علاوہ بتی چوراں اُتے شکنجہ سخت کیتا ، پنجاب بھر دے3.15ارب ریکور کر کے قومی خزانے وچ جمع کرائے ۔ فردوس عاشق اعوان نے ہور آکھیا کہ تحریک انصاف حکومت نے میرٹ ، بہترین حکمت عملی نال شوباز دے مسلسل 10ورھیے350ملین دا خسارہ کرن والی پنجاب پاور کمپنی نوں ناصرف خسارے توں کھڈیا بلکہ قومی خزانے نوں 217ملین دا نفع وی دتا، ایس دے علاوہ قائد اعظم سولر کمپنی وچ من پسند افراد نوں نوازن دی روش نوں ختم کر کے62ملین دی تریخی بچت کیتی۔