حکومت دا کم قنون بنانا اے تےعدالتاں عمل کر اندیاں نیں : چیف جسٹس

اسلام آباد ( پنجابی میڈیا گروپ) چیف جسٹس پاکستان گلزار احمد نے آ کھیا کہ قنون بنانا حکومت دا کم اے تے عدالتاں اوہناں تے عمل کرا دیاں نیں ۔چیف جسٹس پاکستان گلزار احمد دی سربراہی وچ سپریم کورٹ دے3رکنی بینچ نے خیبر پختونخوا وچ سول سرونٹ ایکٹ وچ ریٹائر منٹ دی عمر بارے کیس اُتے سماعت کیتی ۔سرکاری ملازملاں دے وکیل دا کہنا سی کہ سول سرونٹ ایکٹ وچ ریٹائر منٹ دی عمر55سال کر دتی گئی ،25سال دی سروس اُتے ریٹائرمنٹ دا قنون ختم کر دتا گیا تے اسمبلی وچ کسی دی گل سُنے بغیر ہی بل منظور کیتا گی ۔جسٹس منیب اختر نے ریمارکس دتے کہ جد روٹی پک چکی تے ایہ پچھنا بے کار اے کہ آٹا کیتھوں آیا ، اگر کسی نوں اسمبلی دی کارروائی اُتے اعتراض اے تے اسمبلی وچ جا کہ شکایت کرے۔