پی ڈی ایم والےدشمن دے ایجنڈے نوں پورا کرنا چاہندے نیں: عثمان بزدار
لہور( پنجابی میڈیا گروپ) وزیراعلیٰ عثمان بزدار آکھیا اے پی ڈی ایم والے پاکستان وچ انتشار کھلار کے دشمن دے ایجنڈے نوں پورا کرنا چاہندے نیں، اپوزیشن ذاتی مفادات دا ایجنڈا لے کے چل رہی اے۔ وزیراعلیٰ پنجاب عثمان بزدار نے اپنے بیان وچ آکھیا اے عمران خان دی قیادت وچ پہلی وار صاف تے شفاف پاکستان دی بنیاد رکھی گئی اے۔ تحریک انصاف دی حکومت پاکستان دی سب توں شفاف حکومت اے، ڈھائی ورھے وچ حکومت دا اک وی سکینڈل ساہمنے نہیں آیا، الزامات دی سیاست کرن والیاں دا کوئی مستقبل نہیں۔ عثمان بزدار دا کہنا سی بدقسمتی نال اپوزیشن جماعتاں قوم نوں تقسیم کرن دی کوششاں وچ مصروف نیں، عوام اپوزیشن عناصر دے دوغلے چہریاں نوں پہچان چکے نیں، پراپیگنڈا کرن والے جان لین کہ عوام دی خدمت کھوکھلے دعویاں نال نہیں ہوندی۔
