وزیر اعظم عوام دیاں مشکلاں نوں چیلنج سمجھ کے ختم کرن : چوہدری شجاعت حسین
لہور( پنجابی میڈیا گروپ)مسلم لیگ (ق) دے صدر چودھری شجاعت حسین آکھیا اے عوام دا خیال رکھن والی حکومتاں ای دلاں وچ وسدیاں نیں، سرکار لوکائی دی مشکلاں ختم کرن نوں چیلنج دے طور تے لوے۔ چودھری شجاعت حسین دا کہنا اے کاروباری طبقہ اپنے منافع دا تعین آپ کر رہیا اے جہدا نقصان تنخواہ دار طبقے نوں برداشت کرنا پیندا اے۔ ناجائز منافع خوراں تے ذخیرہ اندوزاں دے خلاف لائحہ عمل مرتب کیتا جائے۔ اوہناں آکھیا سرکار صرف تے صرف لوکائی دے اصل مسئلیاں نوں دور کرن ول توجہ دیوے، غربت دور کرن لئی شارٹ ٹرم منصوبے بنائے جاؤن۔
