سوشل میڈیا اُتے توہین رسالت دے 3ملزماں نوں سزائے موت دا حکم

اسلام آباد( پنجابی میڈیا گروپ) انسداد دہشت گردی دی عدالت نے سوشل میڈیا تے توہین رسالت دے 3ملزماں نوں سزائے موت دا حکم دے دتا۔ اسلام آباد دی انسداد دہشت گردی عدالت وچ سوشل میڈیا گستاخانہ مواد کیس دا فیصلہ جج راجہ جواد عباس نے ملزماں دی موجودگی وچ سنا دتا۔ عدالت نے 15دسمبر 2020وچ فیصلہ محفوظ کیتا سی۔عدالت نے سوشل میڈیا تے توہین رسالت دے 3ملزماں ناصر احمد سلطان، رانا نعمان تے عبدالوحید نوں سزائے موت سنا دتی جد کہ اک ملزم پروفیسر انوار احمد نوں توہین مذہب تے دس سال قید اک لکھ جرمانہ لاگو کیتا گیااے۔ چار اشتہاری ملزماں دے دائمی وارنٹس گرفتاری وی جاری کر دتے گئے۔ عدالت نے اپنے جاری کیتے فیصلے وچ آکھیا ملزماں تے توہین رسالت تے توہین مذہب دا الزام ثابت ہو گیا اے۔