کورونا منہ زور: 24گھنٹے دے دوران 48موتاں، 2435نویں مریض رجسٹرڈ

اسلام آباد( پنجابی میڈیا گروپ) کورونا وائرس نال 48بندے جاں بحق جہدے بعد موتاں دی تعداد 10ہزار 558ہو گئی۔ پاکستان وچ کورونا دے تصدیق شدہ کیساں دی تعداد 4لکھ 97ہزار 510ہو گئی۔ نیشنل کمانڈ اینڈ آپریشن سنٹر دے تازہ ترین اعداد و شمار دے مطابق پچھلے 24گھنٹیاں دے دوران 2 ہزار 435 نویں کیسز رپورٹ ہوئے، پنجاب وچ اک لکھ 43 ہزار 511، سندھ وچ 2 لکھ 22 ہزار 999، خیبر پختونخوا وچ 60 ہزار 536، بلوچستان وچ 18 ہزار 314، گلگت بلتستان وچ 4 ہزار 878، اسلام آباد وچ 38 ہزار 842 جد کہ آزاد کشمیر وچ 8 ہزار 430 کیسز رپورٹ ہوئے۔ملک بھر وچ ہن تک 70لکھ 2ہزار 706بندیاں دے ٹیسٹ کیتے گئے، پچھلے 24گھنٹیاں دے دوران 38ہزار 369نویں ٹیسٹ کیتے گئے، ہن تک 4لکھ 53ہزار 828مریض صحت یاب ہو چکے نیں جد کہ 2ہزار 285مریضاں دی حالت تشویشناک اے۔ پاکستان وچ کورونا نال اک دن وچ 48 بندے جاں بحق ہوئے جہدے بعد وائرس نال مرن والیاں دی تعداد 10 ہزار 558 ہوگئی۔ پنجاب وچ 4 ہزار 221، سندھ وچ 3 ہزار 670، خیبر پختونخوا وچ اک ہزار 710، اسلام آباد وچ 436، بلوچستان وچ 186، گلگت بلتستان وچ 101 تے آزاد کشمیر وچ 234 مریض جان توںہتھ دھو بیٹھے۔