آرمی چیف جنرل قمر جاوید باجوہ دا بحرین داتن روزہ سرکاری دورہ
اسلام آباد (بیورورپورٹ) آرمی چیف جنرل قمر جاوید باجوہ نے بحرین دا تن روزہ سرکاری دورہ کیتاتے دورہ دے دوران بحرین دی اعلیٰ قیادت دے نال ملاقتاں وی کیتیاں۔ آئی ایس پی آر دے مطابق آرمی چیف نے بحرین دے ولی عہد شہزادہ سلمان بن حماد بن عیسی الخلیفہ دے نال ملاقات کیتی، جنرل قمر جاوید باجوہ نے بحرین دے وزیراعظم تے مسلح افواج دے کمانڈر انچیف دے نال وی ملاقتاں کیتیاں۔ آئی آیس پی آر دے مطابق ایہناں ملاقاتاں دے دوران باہمی دلچسپی دے امور، دوطرفہ دفاعی تعاون تے علاقائی سلامتی دی صورتحال زیر بحث آئے۔ بحرینی قیادت نے پاکستان دے نال خصوصی تعلقات دے عزم دا اظہار کیتا۔ بحرینی قیادت دا دوواں برادر ملکاں دے وچکار چنگے تعلقات لئی کم جاری رکھن دا عزم کیتا۔ شہزادہ سلمان بن حماد بن عیسیٰ آل خلیفہ دی طرفوں پاکستان دے آرمی چیف نوں بحرین آرڈر (فرسٹ کلاس) پیش کیتی گئی۔آرمی چیف نے ساخیر کیمپ وچ پاک بحرین مشترکہ فوجی مشق دی اختتامی تقریب دا مشاہدہ کیتا۔ آرمی چیف جنرل قمر جاوید باجوہ ہوراں نے تربیت دے معیار دی تعریف کیتی۔
