7سالہ بالڑی نال زیادتی دے ملزم دی سزائے موت دے خلاف اپیل رد
اسلام آباد( پنجابی میڈیاگروپ) سپریم کورٹ نے 7سالہ بالڑی نال زیادتی دے ملزم حیدر عرف پپو دی سزائے موت دے خلاف اپیل رد کر دتی۔ سپریم کورٹ دے جسٹس منظور ملک دی سربراہی وچ 3رکنی بنچ نے سماعت کیتی۔ ملزم دے وکیل نے موقف اپنایا کہ ہائی کورٹ نے شواہد دا درست جائزہ نہیں لیا، پراسیکیوٹر پنجاب نے آکھیا ملزم دا ڈی این اے تے فنگر پرنٹ وی میچ ہوئے۔ واضح رہے ملزم نے لڈن وچ 29جون 2016نوں بالڑی نوں زیادتی مگروں قتل کیتا سی۔
