شہداء دی تدفین وزیراعظم دے آن توں مشروط کرکے بلیک میل نہیں کیتاجاسکدا، عمران خان

اسلام آباد (بیورورپورٹ)وزیر اعظم عمران خان نے آکھیا اے کہ ہزارہ کمیونٹی دے سارے مطالبات تسلیم کرلے نیں۔ شہداء دی تدفین وزیراعظم دے آن توں مشروط کرکے بلیک میل نہیں کیتاجاسکدا۔ڈھائی سالاں توں ڈاکوؤاں دا ٹولہ سرکار نوں بلیک میل کر رہیا اے تساں شہداء دی تدفین کرو میں اج ای کوئٹہ آجاواں گا۔ بھارت،پاکستان وچ انتشار پھیلان دی کوشش کر رہیا اے۔ اسلام آباد وچ اسپیشل اکنامک زونز اتھارٹی دی افتتاحی تقریب دے نال خطاب کردیاں ہویاں اوہناں نے آکھیاکہ شاید سبھ توں زیادہ ظلم ہزارہ برادری دے لوکائی اتے ہویا اے۔ خا ص طور تے پچھلے 20ورھیاں وچ 11 ستمبر 2001 دے بعد ایہناں اتے ات گردی، ظلم تے قتل کیتا گیا اوہ کسی ہور برادری اتے نہیں ہویا۔ وزیراعظم عمران خان ہورا ں نے آکھیا اے کہ جدوں وڈے۔ وڈے سانحات ہوئے تے میں اوتھے گیا تے میں نے ایہناں خوف ویکھیا۔

جدوں ایہہ مچھ دا واقعہ ہویا جتھے گیارہ ہزارہ برادری دے مزدوراں نوں بے دردی دے نال قتل کیتا گیا تاہم اوہناں نے مزیدآکھیا اے کہ ایہہ ایس سازش دا حصہ اے جہدا میں پچھلے مارچ وچ کابینہ وچ دسیا سی تے عوامی بیانات دتے تسن کہ بھارت پوری طرحاں پاکستان وچ انتشار پھیلان دی پلاننگ کر رہیا اے۔ وزیراعظم عمران خان نے مزیدآکھیا اے کہ میں ملک دی خفیہ ایجنسی نوں خراج تحسین پیش کرناں واں کہ اوہناں نے چار وڈے ات گردی دے واقعات ساڈے اداریاں د ی وجہ توں بچ گئے ایہدے باوجود کراچی وچ اک ہائی پروفائل سنی عالم دا قتل کیتا گیا۔ سرکار متاثرین دے نال کھڑی اے۔ اوہناں نے اک واری فیر آکھیا اے کہ نیں۔ شہداء دی تدفین وزیراعظم دے آن توں مشروط کرکے بلیک میل نہیں کیتاجاسکدا۔ڈھائی سالاں توں ڈاکوؤاں دا ٹولہ سرکار نوں بلیک میل کر رہیا اے تساں شہداء دی تدفین کرو میں اج ای کوئٹہ آجاواں گا۔ بھارت،پاکستان وچ انتشار پھیلان دی کوشش کر رہیا اے۔