لوکائی دی آہ وبکا نوں تساں بلیک میلنگ آکھو گے ایہدے اتے تہانوں شرم آنی چاہیدی اے، مریم نواز

لہور(سٹی رپورٹر)مسلم لیگ ن دی نائب صدر مریم نواز نے وزیر اعظم عمران خان دے بیان اتے ردعمل دا اظہار کردیاں ہویاں آکھیا اے کہ لوکائی دی آہ وبکا نوں تساں بلیک میلنگ آکھو گے ایہدے اتے تہان شرم آنی چاہیدی اے۔پاکستان مسلم لیگ ن دی نائب صدر مریم نواز نے میڈیادے نال گل بات کردیاں ہویاں آکھیا اے کہ ایہہ بے حسی دی انتہا اے۔ تہاڈے اتے 22کروڑ عوام دی ذمہ دار ی اے۔

اوہناں نے آکھیا اے کہ اوہ اپنے لوکائی دی لاشاں اگے رکھ کے بیٹھے ہوئے نیں۔ کیہ ایہناں دی لاشاں دے نال تہاڈی انا وڈی اے۔ مریم نواز نے آکھیا اے کہ اوہ آکھ رہے نیں تسا ں آجاؤ تے ایہناں دے سراں اتے ہتھ رکھ دیو اوہ آکھ رہے نیں ایہناں کجھ یقین دہانیاں کرا دتیاں۔ اسیں لاشاں نوں دفنا دین گے۔ اوہناں نے آکھیا اے کہ ایس نوں تساں بلیک میلنگ آکھ رہے اوہ ایہہ تہاڈا فرض اے ایہہ تہان کرنا پے گا۔