لہور وچ گندگی دے ڈھیر

، وزیراعلیٰ انتظامیہ تے برس پئے،2دن وچ صفائی دا الٹی میٹم لہور: وزیراعلیٰ پنجاب عثمان بزدار لہور وچ صفائی دے حوالے نال منعقدہ اجلاس وچ انتظامیہ تے برس پئے، 2دن وچ پورا شہر صاف کرن دا الٹی میٹم دے دتا۔ لہور وچ جگہ جگہ کچرا، صفائی کیوں نہیں ہوئی، وزیراعلیٰ پنجاب عثمان بزدار نے 2دن وچ پورا لہور صاف کرن نہیں تاں سخت ایکشن دی وارننگ دے دتی۔ صفائی بارے اجلاس دی صدارت کردیاں وزیراعلیٰ آکھیا میرے کول رپورٹاں نیں لہور نوں کچرا خانہ بنا دتا گیا، جدوں وی وزٹ کیتا برے حالات ای ملے، سارے محکمے رل کے صرف پہلے لہور نوں صاف ستھرا بناؤن۔ اوہناں نے متعلقہ حکام نوں ہدایت دتی کہ پنجاب سیف سٹی اتھارٹی دے سی سی ٹی وی کیمریاں راہیں مانیٹرنگ کرن تے رپورٹاں دین۔ وزیراعلیٰ پنجاب آکھیا اسیں کسے کمپنی توں بلیک میل نہیں ہوواں گے جہڑا کم نہیں کردا اوہنوں فارغ کر دیو۔ اجلاس دے دوران وزیراعلیٰ نوں بریفنگ دتی گئی کہ 20ہزار ٹن کوڑا چُک لیا اے، پنج ہزار کوڑا سڑکاں اُتے اے۔

اپنا تبصرہ گھلو