کراچی وڈھی دہشت گردی دا خطرہ:پولیس الرٹ ہو گئی
کراچی( پنجابی میڈیا گروپ) شہر وچ مشکوک افراد چَٹے رنگ دی گڈی داخل ہوئی جس اُتے پولیس الرٹ ہوگئی تے شہر وچ جگہ جگہ چیکنگ ودھا دتی،تفصیلات دے مطابق پیر تے منگل دی درمیانی رات شہر وچ ناکیودھا دتے گئے پولیس دی وڈی تعداد جگہ جگہ کھڑی کر دتی گئی ، ذرائع دا آکھنا اے کہ پولیس نوں انٹیلی جنس ولوں اطلاع ملی اے کہ شہر وچ چَٹے رنگ دی گڈی داخل ہوئی اے جس دے ذریعے دہشت گردی دی کوئی وڈی واردات کیتی جاسکدی ایلہذا ایس سفید کرولا نوں چھیتی نال لبھیا جا رہیا اے انٹیلی جنس اطلاع دے تناظر وچ پیر تے منگل کی درمیانی رات ایڈیشنل آئی جی کراچی غلام نبی میمن ولوں فوری حکم دے دتا گیا کہسارے ایس ڈی پی اوز تے ایس ایچ او سڑکاں اُتے موجود رہن جدکہ ناکیاں اُتے فوری طورچیکنگ ودھا دتی گئی۔ حکم ملدیاں نال ہیکراچی پولیس الرٹ ہوگئی تے شہر بھر وچ باقاعدہ طور اُتے ناکے لگادتے گئے ، گڈیاں دی اسنیپ چیکنگ وی ودھا دتی گئیجدکہ خصوصی طور اُتے سفید رنگ دی گڈیاں نوں چیک کیتا جا رہیا اے ۔ڈیفنس ، کلفٹن ، گذری ، درخشاں ، میٹرو پول ، صدر ، نمائش ، گرومندر ، نیو پریڈی اسٹریٹ ، لیاقت آباد دس نمبر ، لیاقت آباد ڈاکخانہ ، راشد منہاس روڈ ، گلشن اقبال ، گلستان جوہر ، ٹاور تے ہوراںجگہاں اُتے ویپولیس دی وڈھی نفری ساری رات کھڑی رہی جد کہ ایس دوران سارے ایس ایچ او تے ایس ڈی پی او وی سڑکاں اُتے موجود رہے لیکن اجے تک او مشکوک گڈی نہیں مل سکی ۔





















