پاکستان دا شروع توں ایہوی موقف رہیا اے افغان مسئلے دا کوئی فوجی حل نہیں، شاہ محمود قریشی
اسلام آباد(بیورو رپورٹ) وزیر خارجہ مخدوم شاہ محمود قریشی نے آکھیا اے کہ پاکستان تے افغانستان دے وچکار گہرے تاریخی تے یکساں ثقافتی و تہذیبی اقدار تے استوار برادرانہ تعلقات نیں۔پاکستان دا شروع توں ایہوی موقف رہیا اے افغان مسئلے دا کوئی فوجی حل نہیں۔ایہناں خیالا ت دا اظہار اوہناں نے افغان حزب وحدت اسلامی دے رہنماء محمد کریم خلیلی دی وفد دے ہمراہ وزارت خارجہ وچ وزیر خارجہ مخدوم شاہ محمود قریشی دے نال گل بات دے دوران کیتا۔ جہناں نے ایہناں دے نال ایتھے ملاقات کیتی۔
ملاقات وچ افغان امن عمل سنے باہمی دلچسپی دے اہم امور اتے وچار کیتا گیا۔ سیکرٹری خارجہ سہیل محمود، نمائندہ خصوصی برائے افغانستان ایمبیسڈر محمد صادق تے وزارت خارجہ دے سینئر افسران وی ایس موقع تے موجود سن۔شاہ محمود قریشی ہوراں نے آکھیا اے کہ میں تہان تے تہاڈے وفد نوں وزارت خارجہ اپرن تے جی آیاں نوں آکھناں واں۔ اوہناں نے مزیدآکھیا اے کہ پاکستان تے افغانستان دے وچکار گہرے تاریخی تے یکساں ثقافتی و تہذیبی اقدار تے استوار برادرانہ تعلقات نیں۔پاکستان دا شروع توں ایہوی موقف رہیا اے افغان مسئلے دا کوئی فوجی حل نہیں۔افغان قیادت نوں قابل قبول جامع سیاسی مذاکرات وچ ایس مسئلے دا واحد حل اے۔ شاہ محمود نے آکھیاکہ پاکستان افغانستان وچ قیام امن لئی اپنی مصالحانہ کاوشاں جاری رکھن لئی پرعزم اے۔





















