صوبیاں وچ قائم وفاقی ہسپتالاں وچ ایم ٹی آئی آرڈیننس دے نفاذ دا فیصلہ
اسلام آباد( پنجابی میڈیا گروپ) صوبیاں وچ قائم وفاقی ہسپتالاں وچ ایف ایم ٹی آئی آرڈیننس دے نفاذ دا فیصلہ کر لیا گیا۔ وزارت صحت نے وفاقی ہسپتالاں وچ فیڈرل میڈیکل ٹیچنگ انسٹیٹیوٹ (ایف ایم ٹی آئی) دے نفاذ دا نوٹیفکیشن جاری کر دتا۔ شیخ زید پوسٹ گریجویٹ میڈیکل انسٹیٹیوٹ لہور، جناح پوسٹ گریجویٹ میڈِیکل سینٹر کراچی، این آئی سی وی ڈی ، این آئی سی ایچ کراچی کو ایف ایم ٹی آئی شیڈول وچ شامل کرلیا گیا۔کابینہ وفاقی ہسپتالاں وچ ایف ایم ٹی آئی دے نفاذ دی منظوری دے چکی اے۔ ایف ایم ٹی آئی دے نفاذ نال ہسپتال مالی و انتظامی طور تے خود مختار ہون گے۔ اودھر پمز ہسپتال اسلام آباد دے ملازماں نے ایم ٹی آئی آرڈیننس دے خلاف پارلیمنٹ دے ساہمنے احتجاج کیتا۔ گرینڈ ہیلتھ الائنس دے چیئرمین ڈاکٹر اسفند نے احتجاجی مارچ دی قیادت کیتی۔ مظاہرین نے ایم ٹی آئی آرڈیننس دے خلاف نعرے لائے تے واپس لین دا مطالبہ کیتا۔





















