واٹس ایپ دے اعلان توں بعد سگنل ایپ اسٹور اُتے آ گیا

لندن( پنجابی میڈیا گروپ) واٹس ایپ ولوں فون ایپ دا ڈیٹا فیس بک اُتے شیرکرن دے اعلان توں بعد لوکائی نے ایپ سگنل ول منہ کر لیا، جدکہ برطانوی عوام ٹیلی گرام ایپ وچ دلچسپی لیہ رہی اے ۔واضح رہے کہ واٹس ایپ نے اعلان کیتا سی کہ8فروری دے بعد اوہ اپنے لگ بھگ دو ارب صارفیناں دا ڈیٹا فیس بک اُتے شیئر کرے گا۔ لیکن معاملہ ایتھے ہی ختم نہیں ہوئیا فیس بک اپنے صارفیناں دا ڈیٹا نوں کئی وار ختم کرچکیا اے تے ایس اُتے بہت ہنگامہ وی کھڑا ہویا اے۔ہن تازہ خبر ایہ اے کہ عین واٹس ایپ ورگی اک ایپ سگنل ایپ اسٹور اُتے پہلے نمبر اُتے آچکی اے تے واٹس ایپ دا دور دور تک پتا نہیں کیونکہ ، دُجے نمبر اُتے اینج دی اک ایپ ٹیلی گرام اے تے پارلر ورگی ایپ وی ایس فہرست وچ شامل اے۔ دُجے پاسے واٹس ایپ دی سخت لیکن مبہم پالیسیاں دی وجہ نال لوکائی ایس نوں چھڈرہے نیں۔ ایس اُتے کئی افواہواں نے وی بلدی اُتے تیل دا کم کیتا اے۔

اپنا تبصرہ گھلو