کرپشن کرن والے ملک و قوم دے مجرم نیں: عثمان بزدار
لہور(پنجابی میڈیا گروپ)وزیراعلی پنجاب عثمان بزدار داآکھنا اے کہ کرپشن پاکستان دا سبھ توں وڈا المیہ اے۔ کرپشن کرن والے لوکائی ملک و قوم دے مجرم نیں۔پچھلے ادوار وچ سیاست نوں کرپشن توں آلودہ کیتا گیا۔ اپنے اک بیان وچ وزیراعلی پنجاب عثمان بزدار دا آکھنا سی کہ ماضی وچ بے دردی دے نال قومی وسائل نوں لٹیا گیا۔ سیاست نوں ذاتی کمائی دا ذریعہ بنانا عوام دے نال ظلم دے مترادف اے۔ وزیراعلیٰ پنجاب عثمان بزدارہوراں نے مزیدآکھیا اے کہ کرپشن دے مضراثرات دے نال پورا معاشرہ تباہ ہوندا اے۔ اوہناں نے آکھیا اے کہ ماضی وچ کرپشن نہ کیتی جاندی تے پاکستان دا شمار اج ترقی یافتہ ملکاں وچ ہوندا۔ اسیں کرپشن کرن والیاں دے خلاف احتساب دا عمل جاری رکھاں گے۔ کسی نوں این آر آو نہیں ملے گا۔ ساڈی سرکارنوں کرپشن دے نال لتھڑیا ہویا پاکستان ملیا۔ عمران خان دی قیادت وچ اسیں پاکستان نوں کرپشن توں پاک کرنا اے۔ ایہوی ساڈا منشور تے پارٹی د ا نعرہ وی اے۔





















