آزربائیجان نال دوستی دی قدر کرنے آں: ڈاکٹر عارف علوی

اسلام آباد(پنجابی میڈیا گروپ)صدر مملکت ڈاکٹر عارف علوی نے آکھیا اے کہ پاکستان آزربائیجان دے نال اپنے تعلقات نوں قدر دی نگاہ دے نال ویکھدا اے ،دوواں ملکاں دے تعلقات مشترکہ عقیدے ،تاریخی تے ثقافتی روبط اتے مبنی نیں۔ ایہناں خیالات دا اظہاراوہناں نے آزربائیجان دے وزیر خارجہ جیہون بیراموف دے نال گل بات دے دوران کیتا۔ جہناںنے ایتھے ایہناں دے نال کیتی ۔ ملاقات دے دوران صدر مملکت نے ناگورنو کاراباخ دی آزادی اتے سرکار تے آزربائیجان دے عوام نوں مبارکباد پیش کیتی۔صدرعارف علوی ہوراں نے آکھیا اے کہ پاکستان آزربائیجان دی علاقائی سالمیت دی حمایت کردا اے۔صدرمملکت نے مزیدآکھیا اے کہ دوواں ملکاں دے وچکار تجارتی حجم ودھان تے ثقافتی وتجارتی تعاون نوں مزید فروغ دین دی لوڑ اے۔ صدر مملکت نے کشمیر اتے او آئی سی رابطہ گروپ دے ممبر دی حیثیت دے نال آزربائیجان دے کردار نوں سراہیا ایس موقع اتے وزیرخارجہ جیہون بیراموف نے آکھیا اے کہ آزربائیجان مسئلہ کشمیر اتے سارے بین الاقوامی فورمز اتے پاکستان دے شانہ بشانہ کھڑا روے گا۔

اپنا تبصرہ گھلو