بدقسمتی اے نیب نوں شرم نہیں آئوندی: شاہد خاقان عباسی

لہور(پنجابی میڈیا گروپ) پچھلے وزیراعظم شاہد خاقان عباسی آکھدے نیں نیب اج خود کٹہرے وچ کھڑا اے۔ ایہہ بدقسمتی اے نیب نوں شرم نہیں آئوندی۔ نیب کولوں پوچھن والے وی خاموش بیٹھے نیں۔احتساب عدالت دے بار میڈیا دے نال گل بات کردیاں ہویاں پچھلے وزیراعظم شاہد خاقان عباسی ہوراں نے آکھیا اے کہ اج وی نیب کورٹ وچ پی ایس او دے ایم ڈی دی تعیناتی دا کیس چل رہیا اے۔ ایس کیس دی حقیقت سندھ ہائیکورٹ نے اپنے فیصلے وچ بیان کردی اے۔ اوہناں نے مزیدآکھیا اے کہ کیس وچ کوئی حقیقت اے نہ کوئی دلائل اے ۔ نیب سیاستداناں نوں دبان دا ذریعہ بن چکیا اے۔ نیب دوجیاں نوںکٹہرے وچ کھڑا کردا اے۔ اج خود کھڑا اے۔ براڈ شیٹ نوں نواز شریف دے خلاف کجھ نہیں ملیا۔پچھلے وزیراعظم نے مزیدآکھیا اے کہ نوازشریف دے خلاف مواد اکٹھا کرن لئی 7ارب روپے دتے گئے نیں۔ برطانوی عدالت دا فیصلہ پبلک کیوں نہیں کیتا جاندا؟براڈ شیٹ نے جہناں لوکائی دے ناں دسے اوہ ناں چھپائے گئے اعلیٰ عدلیہ ایس معاملے وچ ازخود نوٹس لوے۔

اپنا تبصرہ گھلو