نعیم بخاری نوں بطور چیئرمین سرکاری ٹی وی کم توں روک دتا گیا
اسلام آباد(پنجابی میڈیا گروپ) اسلام آباد ہائی کورٹ نے سرکاری ٹی وی دے چیئرمین نعیم بخاری نوںکم توں روک دتا گیا۔اسلام آباد ہائی کورٹ وچ نعیم بخاری دی بطور چیئرمین سرکاری ٹی وی تعیناتی دے خلاف درخواست اتے سماعت کردیاں ہویاں چیف جسٹس اطہر من اللہ نے احکامات جاری کیتے۔دورانِ سماعت اسلام آباد ہائی کورٹ دے حکم اتے وزارتِ اطلاعات دا نمائندہ عدالت وچ پیش ہویا۔چیف جسٹس اطہر من اللہ نے وزارتِ اطلاعات دے نمائندے دے نال سوال کیتا کہ کیہ کہ سرکارنے عمر دی حد وچ نرمی کیتی اے؟نمائندہ وزارتِ اطلاعات نے جواب دتا کہ جی ہاں! عمر دی حد وچ نرمی کیتی گئی اے، ایس حوالے دے نال اک سمری 13 اتے دوجی 26 نومبر نوں بھیجی گئی سی۔چیف جسٹس اسلام آباد نے آکھیا تساں خود ای نعیم بخاری دابطور چیئرمین تقرر کرکے سمری دابینہ نوں بھجوا دتی ۔ وزارت اطلاعات سرکاری ٹی وی دے چیئرمین دی تقرری دی مجاز نہیں ے۔اسلام آباد ہائی کورٹ نے استفسار کیتا کہ سانوں طریقہ کار بارے وچ دسو۔ عدالت عظمیٰ نے آکھیا کہ سپریم کورٹ نے واضح لکھیا اے کہ وفاقی سرکار کسی نوں چیئرمین نہیں بنا سکدی۔ چیف جسٹس اسلام آباد نے مزیدآکھیا اے کہ کوئی قانون توں بالاتر نہیں۔ نعیم بخاری صاحب ساڈے لئی قابل احترام نیں پر اوہ ایس عہدے لئی اہل نہیں۔ اسیں ایہہ معاملہ وفاقی کاینہ نوں بھیج رہے آں۔





















