اگلے 4 مہینےکورونا بوہت ودھ سکدا اے: بل گیٹس

واشنگٹن ( پنجابی میڈیا گروپ ) مائیکرو سافٹ دے بانی بل گیٹس نے عالمی وبا کورونا وائرس دے حوالے توں خبردارکردیاں ہویاں آکھیا اے کہ اگلے 4 توں 6 مہینے وبا دے بدترین ثابت ہوسکدے نیں ۔دنیا شدید متاثر ہون والی اے۔ ایہہ پیشنگوئی بل گیٹس ولوں اک اینج دے ویلے وچ ساہمنے آئی اے۔ جدوں کرونا دی روک تھام لئی ویکسین تیار کرلئی گئی اے تے دنیا دے بیشتر ملکاں وچ ایہدا استعمال وی زوروشوردے نال شروع کیتا جا چکیا اے۔ اوہناں نے آکھیا اے کہ انسٹیٹیوٹ فار ہیلتھ میٹرکس اینڈ ایولوشن نے 2 لکھ اضافی اموات دی پیشگوئی کیتی اے۔نال ای اوہناں نے ایہوی آکھیا اے کہ اسیں اصولاں اتے عمل کریئے یعنی فیس ماسک پہنن تے سماجی دوری دے اقدامات اتے عمل کریئے تے متعدد اموات دی روک تھام کیتی جا سکدی اے۔

اپنا تبصرہ گھلو