ملک وچ انج بلیک آؤٹ ہویا جہڑا عموما جنگ دے دوران ہوندا اے ، شیری رحمان

اسلام آباد (بیورورپورٹ) سینیٹر شیری رحمان نے آکھیا کہ بجلی گیس بحران اتے گل ہو رہی اے ندیم بابر صاحب کتھے نیں؟ملک وچ انج بلیک آؤٹ ہویا جہڑا عموما جنگ دے دوران ہوندا اے ، کل رات نیپرا نے انکوائری لئی اک کمیٹی بنا دت یاے بلی نوں دودھ دی انکوائری دے دتی گئی اسیں ایس انکوائری نوں رد کرنے آں۔ سینیٹ دے اجلاس وچ گل بات کردیاں ہویاں سینیٹر شیری رحمان نے آکھیا اے کہ تساں تباہی دی نئی تاریخ رقم کردے جارہے ہو گیس دا پریشر اتنا گٹھ اے کہ پانی تیک گرم نیں ہوندا ہن کس بنیاد اتے بجلی دی لوڈشیڈنگ ہو رہی اے ایہناں دی نااہلی نے پاکستان وچ تواتر توں بریک ڈ ائون ہورہے نیں۔

سینیٹرسلیم مانڈی والا نے آکھیااے کہ میں چیئرمین نیب نوں مبارکباد دتی اے کہ تے بابراعوان نوں وی بھیجی اے ۔نیب ہر کسی دے اکاؤنٹ وچ گھس جاندی اے کسی دا وی اکاؤنٹ سیف نہیں،سلیم مانڈی والانے مزیدآکھیا اے کہ شیخ رشید اجلاس وچ بیٹھے نیں ایہناں نوں ویکھنا چاہیدا ے کجھ لوکائی سمجھدے نیں میں کوئی ڈیل کرنا چاہناں واں تے چیئرمین نیب نوں کہڑا بلیک میل کررہیا اے اوہناں نے آکھیا میں ایہہ لڑائی لڑدارواں گا ایس حالات سبھ چیزاں ویکھنیاں چاہیدیاں نیں ایسناں ادارے ختم ہوندے رہن گے۔ ایس حوالے دے نال قانون سازی ہونی چاہیدی اے ۔اک موقع اتے سینیٹر سراج الحق نے آکھیا کہ بابر اعوان اک چنگے وکیل نیں پہلاں پیپلزپارٹی دی ترجمانی کردے سن ہن پی ٹی آئی دی ترجمانی کر رہے نیں۔

اپنا تبصرہ گھلو