پاکستان بھارت دی بُری نیت نوں بے نقاب کردا رہے گا، وزیراعظم

اسلام آباد ( پنجابی میڈیا گروپ )وزیراعظم عمران خان نے آکھیااے کہ بھارتی صحافی دے انکشاف نے مودی سرکارتے بھارتی میڈیا دے ناپاک گٹھ جوڑنوںعیاں کیتا۔بھارت پاکستان وچ دہشتگردی نوں ہوا دے رہیا اے ، عالمی برادری فاشسٹ مودی سرکار نوں عسکریت پسندانہ رویے توں باز رکھے۔ اپنے اک ٹویٹ وچ وزیراعظم نے آکھیا کہ میں 2019ء وچ اقوام متحدہ وچ تقریر دے دوران بھارتی سفاکی نوں عیاں کیتا، دنیا نوں دسیا کہ کس طرح فاشسٹ مودی حکومت نے بالاکوٹ واقعے نوں انتخابی نتائج دے حصول لیے استعمال کیتا۔اوہناں نے آکھیا کہ بھارتی صحافی دے واٹس ایپ چیٹ توں لیک ہون والے حالیہ انکشافات نے مودی سرکاری تے بھارتی میڈیا دے ناپاک گٹھ جوڑ نوں بے نقاب کر دتا اے۔

اپنا تبصرہ گھلو