اپوزیشن دا بے مقصد احتجاج بے ویلے دی راگنی اے، عثمان بزدار

لہور(سٹی رپورٹر)وزیراعلی پنجاب سردار عثمان بزدارآکھدے نیں کہ اپوزیشن دا بے مقصد احتجاج بے ویلے دی راگنی اے، احتجاجی عناصر ترقی دا سفر روکن دے در پے نیں۔ ایہہ عوام وچ ایکسپوز ہو چکے نیں۔ عثمان بزدار نے اپنے بیان وچ آکھیا اے کہ رد شدہ عناصر دا بیانیہ پٹ چکیا ۔ایہناں دی قسمت وچ صرف رونا ای لکھیا اے۔ وزیراعلیٰ پنجاب عثمان بزدار ہوراں نے مزیدآکھیا اے کہ ایہہ روندے رہن گے تے وزیراعظم عمران خان دی قیادت وچ پاکستان اگے ودھدا جاوے گا۔ عثمان بزدار نے ایہہ وی آکھیا کہ پاکستان دے موجودہ حالات وچ انتشار دی سیاست دی کوئی گنجائش نہیں۔ ایہناں دا مزیدآکھنا سی کہ ساڈی خدمت دی سیاست دے ساہمنے احتجاجی سیاست دم توڑ چکی اے۔

اپنا تبصرہ گھلو